Şahmat üzrə yarışların keçirilmədiyi koronavirus pandemiyası dövründə bu idman növünün onlayn versiyası populyarlıq qazanıb.

Apasport.az saytının məlumatına görə, bu, FİDE-nin diqqətindən yayınmayıb.

Dünya şahmat qurumu onlayn oyunlar üçün yeni əsasnamə hazırlayıb. Sənəd FİDE-nin Şurası tərəfindən təsdiqlənib. Bütün rəsmi turnirlər yeni əsasnamə ilə təşkil olunacaq.

Xüsusi İşçi Qrupun tərtib etdiyi sənəd üç hissədən ibarətdir. 1-ci bölmə əsas qaydalara həsr olunub. 2-ci hissə ümumilikdə onlayn turnirlərin qaydalarını əks etdirir. Əsasnamənin sonuncu bölümündə onlayn turnirlərin iki növü üzrə qaydalar ayrı-ayrılıqda qeyd olunub. Bunlar tam onlayn və hibrid turnirlərdir. Sonunculara şahmatçıların federasiya, klub və ya oteldə yerləşdirilərək oradan onlayn oynaması aiddir.

FİDE hibrid variantını daha səmərəli hesab edir. Qurum bir sıra nüfuzlu rəsmi turnirləri də bu formatda keçirməyi planlaşdırır.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”