Bakı və Avropanın digər 11 şəhəri iki aydan sonra start götürəcək qitə çempionatına hazırlıqları davam etdirir.

Apasport.az saytının məlumatına görə, sayca 16-cı dəfə keçiriləcək Avropa çempionatı iki futbolçu üçün rekordla əlamətdar olacaq.

Söhbət Kriştiano Ronaldo və Zlatan İbrahimoviçdən gedir. Onlar qitə çempionatlarında iştirak sayında rekorda iddialıdır.

Əgər onlar AVRO-2020-yə yollansalar, 5 dəfə qitə çempionatına qatılmış İker Kasilyasın rekordunu təkrarlayacaq. Mütləq rekord üçün isə final mərhələsində meydana çıxmaq zəruridir. Ronaldo və İbrahimoviçdən hansısa meydana çıxsa, 5 dəfə Avropa çempionatının final mərhələsində oyun keçirən ilk futbolçu olacaq. Təbii ki, onlardan birinin ilk olmasından sonra digəri həmin rekordu təkrarlaya da bilər.

Məsələ ondadır ki, hamıdan çox – 5 belə turnirə yollanan Kasilyas iki yarışda meydana çıxmayıb. Ümumilikdə, 20 futbolçu 4 və daha çox qitə çempionatında iştirak edib. Digər 19 oyunçu 4 dəfə bunu bacarıb. Onlardan ikisi Kasilyas kimi bütün turnirlərdə meydana çıxmayıb. Aron Vinter bir, İqor Akinfeyev iki dəfə final mərhələsinə “turist” qismində qatılıb.

Bu 20 oyunçu 11 müxtəlif yığmanı təmsil edir. Onlardan 19-u ardıcıl çempionatlara yollanıb. Tomaş Rositski AVRO-2008-dən kənarda qalmasaydı, ardıcıl 5 turnirə qatılmış olardı.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”