Rumıniyanın Konstanta şəhərində çimərlik güləşi üzrə yeniyetmə və gənclər arasında dünya çempionatı keçiriləcək.

Apasport.az saytı xəbər verir ki, iki gün davam edəcək məsul yarışda ölkəmizi baş məşqçi Oyan Nəzəriani və məşqçi Ağahüseyn Mustafayevin rəhbərliyi altında 4 güləşçi təmsil edəcək.

Bu gün keçiriləcək yeniyetmələrin yarışında Musa Ağayev (60 kq) və Hüseyn Əliyev (70 kq) uğur qazanmağa çalışacaq. Sabah isə Rübail İbrahimli (70 kq) və Fərid Cabbarov (80 kq) gənclər arasında mübarizə aparacaq.

Qeyd edək ki, bir neçə gün əvvəl Yunanıstanın Katerini şəhərində keçirilmiş Avropa çempionatında Musa və Fərid qızıl, Hüseyn gümüş, Rübail isə bürünc medal qazanıb.

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb