Tokio-2020 Yay Olimpiya Oyunlarının dördüncü günündə Azərbaycan taekvondo yığması mübarizəyə qoşulub.

Apasport.az saytının məlumatına görə, yarışdakı hər iki təmsilçimiz bu gün dayanq üzərinə çıxıb.

Millimizin açılış mərasimindəki bayraqdarlarından biri olan Fəridə Əzizova ilk qarşılaşmada uğursuzluqla üzləşib. Titullu idmançımız Milad Beiqi Harçeqani də mübarizəni medalsız başa vurub. 

Taekvondo
26 iyul
Kişilər
80 kq
Milad ilk döyüşündə Çin Taypeyindən olan Vey-Tinq Liu ilə qarşılaşıb. 15:11 hesabı ilə qalib gələn taekvondoçumuz 1/8 final səddini adlayıb. O, 1/4 finalda Özbəkistan idmançısı Nikita Rafaloviçlə üz-üzə gəlib. Görüş ikiqat dünya çempionumuz üçün uğursuz alınıb. Harçeqani üçüncü dəfə qarşılaşdığı Rafaeloviçə ikinci dəfə uduzub. Rəqib 12:1 hesabı ilə qalib gəlib. Rafaloviç finala yüksələ bilmədiyi üçün Milad bürünc şansını da əldən verib. 

Qadınlar
67 kq
Fəridə 1/8 finalda yarışa başlayıb. O, ABŞ təmsilçisi Peyc Makfersonla görüşüb. İdmançımız 5:8 hesabı ilə uduzub. Makferson finala qədər irəliləyə bilmədiyi üçün Əzizova bürünc medal qazanmaq şansını da itirib.

Qeyd edək ki, Azərbaycan yığması taekvondo yarışlarında iki idmançı ilə təmsil olunurdu.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib