Tokio-2020 Yay Olimpiya Oyunları davam edir.

Apasport.az saytının məlumatına görə, Olimpiadanın beşinci günü Azərbaycan yığmasının daha bir cüdoçusu Murad Fətiyev mübarizəyə qoşulub. Təəssüf ki, 81 kq çəki dərəcəsində qüvvəsini sınayan təmsilçimiz də yarışla erkən vidalaşıb.

Cüdo
27 iyul
81 kq
1/16 final
81 kq çəki dərəcəsində ölkəmizi təmsil edən Murad Fətiyev 1/16 final mərhələsində yarışa start götürüb. 22 yaşlı cüdoçumuz Syerra-Leonedən olan Frederik Harrislə üz-üzə gəlməli idi. Lakin özündən 15 yaş böyük olan rəqibi çəki mərasimində iştirak etmədiyindən, Fətiyev Olimpiadada texniki qələbə ilə mərhələ adlayıb.

Onun 1/8 finaldakı rəqibi monqolustanlı Səid Mollayi olub. 2018-ci ildə Bakıda dünya çempionu tituluna yiyələnən İran əsilli cüdoçu həmyerlimizə heç bir şans verməyib. O, vazari ilə qalib gəldiyindən, Fətiyev Olimpiadada çıxışını dayandırıb.

Qeyd edək ki, Tokio-2020-də 9 cüdoçu ilə təmsil olunan Azərbaycan yığmasının heyətində bundan əvvəl Kəramət Hüseynov (60 kq), Aişə Qurbanlı (48 kq), Orxan Səfərov (66 kq) və Rüstəm Orucov (73 kq) yarışı medalsız başa vurublar.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib