Azərbaycanın badmintonçusu Edi Reski Dviçayo Tokio-2020 Yay Olimpiya Oyunlarında növbəti oyununu keçirib.

Apasport.az saytının məlumatına görə, L qrupunda mübarizə aparan idmançımız III turda Anders Antonsenlə görüşüb.

Vyetnamlı Tien Minh Nguyenə qalib gələn rəqiblər qrup qalibi kimi 1/8 finala birbaşa vəsiqə uğrunda mübarizə aparıb.

Olimpiadanın favoritləri sırasında yer alan danimarkalı görüşü inamlı keçirərək 2 setdə qələbə qazanıb. Edi isə qrup mərhələsini 2-ci sırada başa vurub. O, qaliblərlə birlikdə 1/8 finala yüksələn iki ən yaxşı qrup ikincisi sırasına düşə bilməyib. Bununla da idmançımızın Olimpiada debütü qrupda yekunlaşıb.

Qeyd edək ki, Dviçayo Olimpiya Oyunları tarixində badminton yarışlarındakı ilk Azərbaycan təmsilçisidir.

28 iyul
Badminton, kişilər
L qrupu, III tur
15:00. Anders Antonsen (Danimarka) - Edi Reski Dviçayo (Azərbaycan) – 2:0 (21:16, 21:15)

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib