Tennis üzrə açıq Fransa çempionatı təxirə salınıb.

Apasport.a saytının məlumatına görə, “Böyük dəbilqə”yə daxil olan “Rolan Qarros”un startı bir həftə sonra veriləcək.

Təşkilatçılar mayın 23-dən iyunun 6-dək keçirilməli olan turnirin gec baş tutmasını məqsədəuyğun sayıb. Yarışın mayın 30-dan iyunun 13-dək keçirilməsi nəzərdə tutulub.

Belə addımın atılmasına səbəb koronavirus pandemiyasıdır. Təşkilatçılar yarışın gec başlamaqla bir həftə ərzində məhdudiyyətlərdə yumşalma olacağına ümidlidir. Bu da “Rolan Qarros”a daha çox tamaşaçı cəlb etməyə imkan verəcək.

Qeyd edək ki, ötənilki yarış maydan sentyabra təxirə salınmışdı.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”