İsrailin paytaxtı Təl-Əvivdə keçirilən cüdo üzrə “Böyük Dəbilqə” turniri davam edir.

Apasport.az saytının məlumatına görə, yarışın ikinci günündə Azərbaycan millisinin 2 üzvü tatamiyə çıxıb. 

73 kq çəki dərəcəsində mübarizə aparmalı olan Telman Vəliyev qeyri-müəyyən səbəbdən yarışa qatılmayıb. Onun 1/16 finaldakı rəqibi Lukas Rayter (Avstriya) növbəti mərhələyə yüksəlib. Tatami üzərinə çıxan iki cüdoçumuzun çıxışı isə uğursuz olub. 

Kişilər
81 kq
Yığmamızda debüt edən milliləşmiş Zelim Tokayev 1/32 finalda israilli Seqav Ben Haroça qalib gəlsə də, növbəti qarşılaşmada monqolustanlı Said Mollaeiyə uduzub.
Hidayət Heydərov 1/16 finalda rumıniyalı Marsel Serseanı məğlub edib. 1/8 finalda niderlandlı Frank de Vitə uduzan idmançımız mübarizəni dayandırıb.

Qeyd edək ki, yarışın ilk günündə təmsilçilərimizdən yalnız Davud Məmmədsoy (60 kq) mübarizəsini medalla başa vurub. Bütün rəqiblərinə qalib gələn təmsilçimiz çempion tituluna yiyələnib.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”