Azərbaycan qrossmeysteri Teymur Rəcəbov onlayn blits şahmat turnirində çıxış edəcək.

Apasport.az saytının məlumatına görə, təmsilçimiz “Airthings Masters” turnirində qüvvəsini sınayacaq.

İki mərhələdən ibarət yarışda 12 şahmatçı mübarizə aparacaq. Teymurun rəqibləri arasında bir neçə gün əvvəl məğlub etdiyi erməni şahmatçı Levon Aronyan da yer alıb.

Dairəvi sistemdə keçiriləcək ilk mərhələdə ilk 8 yeri tutanlar mübarizəni davam etdirəcək.

200 min dollar mükafat fondu olan turnirin qalibi 60 min qazanacaq. Rəcəbov və onun prinsipial rəqibi olan Aronyandan başqa, turnirdə dünya çempionu Maqnus Karlsen (Norveç), Maksim Vaşye-Laqrav (Fransa), Hikaru Nakamura, Uesli So (hər ikisi ABŞ), Aleksandr Qrişuk, Yan Nepomnyaşi, Danil Dubov (hamısı Rusiya), Aniş Giri (Niderland), Pantala Harikrişna (Hindistan) və David Anton (İspaniya) mübarizə aparacaq.

Qeyd edək ki, dekabrın 26-da başlayacaq turnir 2021-ci il yanvarın 3-də başa çatacaq.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”