Azərbaycan yığmasının Pekin-2022 Qış Olimpiya Oyunlarındakı bayraqdarının necə seçilməsinə aydınlıq gəlib.

Apasport.az saytının məlumatına görə, bunu Çinin paytaxtına yollanacaq iki idmançımızdan biri olan Yekaterina Ryabova açıqlayıb.

O bildirib ki, açılış mərasimində onun deyil, Vladimir Litvintsevin bayraqdar olması səbəbsiz deyil: “Volodya üçün çox şadam. Qərarın belə olmasını da başa düşürəm. Biz Azərbaycan idmançılarından iki nəfər olacağıq. Mən də Pekinə gec – qadınların yarışı ərəfəsində gedəcəyəm. Məsələ koronavirus pandemiyası ilə bağlıdır: hər gün test verməli, nəticəsi üçün həyəcan keçirməli olursan. Bu, iştirak hüququnu itirmək, Çində uzun müddət qapalı durumda qalmaq və hazırlaşmaq imkanından məhrum olmaq baxımından böyük riskdir. Bu səbəbdən açılışda iştirak imkanını qurban verməli oldum. İki il əvvəl Yeniyetmələrin Olimpiya Oyunlarında Azərbaycan bayrağı aparmışam ki, bu da sevindiricidir”.

Qeyd edək ki, fiqurlu konkisürmədə kişilər fevralın 8-də, qadınlar 15-də mübarizəyə başlayacaq.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib