“Yarımfinalda olduğum üçün sevincliyəm”. 

Bunu apasport.az saytına açıqlamasında Azərbaycan karateçisi Asiman Qurbanlı deyib.

Krakov-2023 III Avropa Oyunlarının yarımfinalına yüksəlməklə medallardan birini təmin edən təmsilçimiz yarış barədə fikirlərini açıqlayıb: “Ona görə ki, medalı artıq təmin etmişəm. Keçən Avropa Oyunlarının qızıl medalçısı kimi yenidən çempionluq qazanmaq istəyirəm. Görüşlərin hər biri ağır keçir. Çünki rəqiblərimin hər birinin öz gücü var. Çünki Avropanın ən güclü 8 idmançısı bu oyunlarda iştirak edir”. 

Qurbanlı rəqibləri barədə də danışıb: “İlk rəqibim ispaniyalı idi. Ona qalib gəldikdən sonra gürcü rəqibimə uduzsam da, son döyüşdə qələbə çalıb yarımfinala yüksəldim. Mənim üçün əsas finaldır. Qalib olub, himnimizi səsləndirib, bayrağımızı yüksəklərdə dalğalandırmaq istəyirəm”.

Qeyd edək ki, Asiman yarımfinalda xorvatiyalı Andelo Kvesiçlə görüşəcək.
 

• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək