Qadın şahmatçılar arasında Azərbaycan çempionatında II turun görüşləri keçirilib.

Apasport.az saytının məlumatına görə, qara fiqurlarla mübarizə aparan Ülviyyə Fətəliyeva Ayan Allahverdiyevanı məğlub edib. 

Hesabat turu yarışın reytinq favoriti Gülnar Məmmədovanın ağ fiqurlarla Gövhər Beydullayevaya məğlub olması ilə diqqəti cəlb edib. Digər partiyalarda qalib müəyyənləşməyib. Türkan Məmmədyarova - Xanım Balacayeva, Xəyalə Abdulla - Ləman Hacıyeva arasında görüşlər bərabərliklə yekunlaşıb.

2 turdan sonra maksimum nəticə ilə Gövhər Beydullayeva liderliyə yüksəlib. Liderdən yarım xal geri qalan Xanım Balacayeva və Ülviyyə Fətəliyeva 2-3-cü yerləri bölüşdürür. 

Qeyd edək ki, Azərbaycan tarixində qadınlar arasında XXXI ölkə çempionatının mükafat fondu artırılaraq 11 400 manat təşkil edir. Çempion olacaq şahmatçı 4000 manat pul mükafatı qazanacaq.
 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib