Dünya ölkələrinin qlobal idman reytinqi açıqlanıb.

Apasport.az saytının məlumatına görə, cədvəldə 2023-cü ilin geridə qalan dövründə təşkil olunan nüfuzlu yarışların nəticələri nəzərə alınıb.

Bu müddətdə 126 ölkə idmançıları uğur əldə edib. Bu siyahıda Azərbaycan da yer alıb.

Ölkəmiz dünyanın 58-cisidir. Azərbaycanın hesabında 112 xal var. 

Təmsilçilərimiz ötən cədvəllə müqayisədə 5 pillə geriləyib. İndoneziya, İrlandiya, Mərakeş, Rumıniya, Yamayka, Litva və Uqanda Azərbaycanı arxada qoyub. İordaniya və Monqolustan isə daha çox geriləyərək yığmamızdan aşağı yuvarlanıb.

Toplanan xallar 5 idman növündə qeydə alınıb. Boksda 52, cüdoda 27, taekvondoda 15, atletikada 10, qılıncoynatmada 8 xal əldə olunub.

Bu xallardan 83-ü kişi idmançıların hesabındadır. Yığmamız bu göstəricidə dünyada 50-cidir. 29 xala malik qadınlar 65-ci yerdə qərarlaşıb. Azərbaycan Avropada 31-ci yerdədir. 

Qeyd edək ki, reytinqə 4396 xala malik ABŞ başçılıq edir. Fransa 2375 xalla ikinci, 2364 xala malik Avstraliya üçüncüdür.

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək