Atıcılıq üzrə Azərbaycan milli komandalarına yeni baş məşqçilər təyin olunub. 

Atıcılıq Federasiyasından apasport.az saytına verilən məlumata görə, Güllə atıcılığının tüfəng növü üzrə yığma 53 yaşlı serbiyalı Nemanya Mirosavlyevə həvalə edilib. 

O, 5 Yay Olimpiya Oyununda, dünya və Avropa çempionatlarında iştirak edib, 50 m və 10 m məsafəyə güllə atıcılığından yüksək nəticələr göstərib.

Stend atıcılığının səngər növü üzrə baş məşqçi postuna Güray Ali Emre gətirilib. O, atıcılıq üzrə yüksək nəticələr nümayiş etdirən Türkiyə yığmasının da məşqçisi olub. 

Millilərdən əlavə, snayper yetişdirmək üçün federasiya 4 beynəlxalq məşqçi ilə də müqavilə imzalayıb. Mosin Vasiliy, Nalband Mert, İlnam Yavuz və Edin Faziliya Azərbaycanda məşqçi kimi fəaliyyətə başlayıb, müxtəlif növlər üzrə atıcıların hazırlığı ilə məşğul olacaqlar.

Bu təyinatlar yığma komandaların qarşıdakı beynəlxalq yarışlara hazırlığını təmin etmək, eləcə də, yüksək səviyyəli atıcılar hazırlamaq məqsədi daşıyır.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib