“Formula-1” üzrə dünya çempionatının ümumi sıralamasının liderlər zonasında bir dəyişiklik olub.

Apasport.az saytının məlumatına görə, buna səbəb zirvə yarışındakı pilotlardan ikisinin Azərbaycan Qran-prisində xal qazana bilməməsidir.

Bakı trasında “Ferrari”nin pilotları Karlos Sayns və Şarl Lekler sona qədər yarışa bilməyib. Bu isə “Red Bull” komandasına xeyir verib. Qran-prinin qalibi olan Maks Ferstappen liderliyini bir qədər də möhkəmlədib. O, aktivindəki xalların sayını 150-yə çatdırıb.

Azərbaycan Qran-prisini ikinci tamamlayan “Red Bull”un digər pilotu Serxio Peres isə ümumi sıralamada Şarl Leklerlə yerini dəyişərək, ikinciliyə yüksəlib. Peres xalını 129-a yüksəldibsə, Lekler 116 xalda qalıb.

Mühəndislər kubokunda isə “Red Bull” liderliyini daha da möhkəmlədib - 279 xal. “Ferrari” isə 199 xalla ikinci sırada qalıb. İlk “üçlüy”ü “Mercedes” (161) qapayır.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib