Serbiyanın paytaxtı Belqradda keçirilən güləş üzrə dünya çempionatı sona yaxınlaşır.

Apasport.az saytının məlumatına görə, bu gün sərbəst güləş üzrə millinin son 3 üzvü mübarizəyə qoşulub.

İslam Bazarqanov (61 kq) 1/8 finalda iranlı Reza Atrinaqarçiyə uduzub - 0:4.

Hacı Əliyev (65 kq) 1/8 finalda argentinalı Aqustin Destribatsı üstələyib - 6:1. Yığmanın kapitanı 1/4 finalda özbəkistanlı Abbas Rəhmanovdan güclü olub - 10:3. Titullu güləşçimiz yarımfinalda iranlı Rəhman Amuzadxəlili ilə qarşılaşıb. Təəssüf ki, görüşdən 9:2 hesabı ilə rəqib qalib ayrılıb. Üçqat dünya çempionumuz sabah bürünc medal uğrunda yarışacaq. 

Maqomedxan Maqomedov (97 kq) 1/8 finalda almaniyalı Erik Tieleyə qalib gəlib - 11:4. Avropa çempionumuz 1/4 finalda amerikalı dünya və olimpiya çempionu Kayl Snayderə müqavimət göstərə bilməyib - 0:10.
 

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək