Krakov-2023 III Avropa Oyunlarının badminton yarışlarında pley-off mərhələsi start götürüb.

Apasport.az saytının məlumatına görə, kişilərin fərdi yarışlarında çıxış edən Azərbaycan təmsilçisi Edi Reski Dviçayo 1/8 final matçına çıxıb.

Badmintonçumuz finlandiyalı Kalle Koljonenlə qarşılaşıb. Edi gərgin keçən ilk setdə 18:21 hesabı ilə uduzub. O, ikinci setdən də məğlub ayrılıb – 14:21. Yekunda 0:2 hesablı yenilgi alan təmsilçimiz yarışla vidalaşıb. Bu uğursuzluğa baxmayaraq, Edi 2024-cü ildə Parisdə keçiriləcək yay olimpiya oyunlarına 2750 reytinq xalı qazanıb.

Qeyd edək ki, bu gün qadınların fərdi yarışlarında da 1/8 final oyunları baş tutacaq. Badmintonçumuz Keyşa Fatimə Zəhra 1/4 finala yüksəlmək üçün mübarizə aparacaq.

• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək