Krakov-2023 III Avropa Oyunlarında qılıncoymatma yarışları davam edir.

Apasport.az saytının məlumatına görə, bu gün Avropa çempionatı statusu daşıyan komandalararası turnirlərə start verilib.

Kişi sablyaçıların mübarizəsinə Azərbaycan millisi də qoşulub. Yığmamız 1/8 finalda Macarıstanla qarşılaşıb.

Saleh Məmmədov, Murad Əkbərov və Maqsud Hüseynlinin yer aldığı komandamız 25:45 hesabı ilə uduzub. 

Bununla da yığmamız medallar uğrunda mübarizəni dayandırıb. Sablyaçılarımız 9-16-cı yerlər üçün yarışıb. Təmsilçilərimizin rəqibi Türkiyə olub.

Bu dəfə “üçlük”də Saleh və Muradla birlikdə Ayxan Xasıyev yer alıb. Komandamız 31:45 hesabı ilə uduzub. İdmançılarımız 13-16-cı yerlər üçün mübarizə aparacaq. 

Murad, Saleh və Maqsudun yer aldığı “üçlük” Yunanıstanla qarşılaşıb. Millimiz bu dəfə qələbə qazanıb – 45:43. Komandamız 13-cü yer uğrunda matça vəsiqə əldə edib.

Qılıncoynadanlarımız son dueldə İrlandiya ilə üz-üzə gəlib. 45:30 hesablı qələbə qazanan komandamız yarışı 13-cü yerdə bitirib.

Qeyd edək ki, bu gün keçirilən qadınların rapirada komanda yarışında Azərbaycan təmsil olunmayıb.
 

• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək