"İlk döyüşümü bolqarıstanlı Olimpiya çempionu İvet Qoranova qarşı keçirdim. Bu qarşılaşmada hesabda öndə idim. Hakimlərin ona adına görə əlavə xal verdiklərini düşünürəm".

Bunu apasport.az saytının Polşaya ezam olunmuş əməkdaşına Azərbaycan karateçisi Mədinə Sadıqova deyib. 

55 kq çəkidə III Avropa Oyunlarında qrup mərhələsində mübarizəni dayandıran idmançı bildirib ki, ikinci qarşılaşmasına yerli idmançıya qalib gəlsə də, Axırıncı görüşdə qurduğu plan alınmayıb: “Nəticədə məğlub oldum. Son döyüşdə çox tələsdim, özümü toparlayıb xal ala bilərdim. Rəqibin taktikası ilə döyüşdüyüm üçün yenildim".

Yarışda mübarizəni dayandıran Fidan Teymurova (50 kq) isə rəqiblərinin hamısının güclü olduğunu deyib: "Görüşlərdə taktiki səhvlər etdim. Buna baxmayaraq, qələbə də qazana bilərdim, taktiki səhvlərə görə uduzdum".

Qeyd edək ki, Avropa Oyunlarında karate yarışlarına bu gün start verilib. 

• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək