Rumıniyanın paytaxtı Buxarestdə güləş üzrə Avropa çempionatı keçirilir.

Apasport.az xəbər verir ki, bu gün ilk mükafatçılar bəlli olub. 

Yarışın ikinci günündə 55, 63, 77 və 87 kq çəkidə mübarizə aparan yunan-Roma güləşçiləri final görüşlərinə çıxıblar. Millimizin dörd üzvü turnirdə son sınağına çıxıb.

55 kq çəkidə Rəşad Məmmədov final görüşünə çıxıb. Təmsilçimiz moldovalı Artyom Deleanu ilə üz-üzə gəlib. O, rəqibinə 3:5 hesabı ilə uduzaraq, gümüş medal qazanıb.

63 kq çəkidə Murad Məmmədov həlledici görüşdə ukraynalı Aleksandr Qruşinlə güləşib. İdmançımız rəqibini məğlub edərək, fəxri kürsünün birinci pilləsinə qalxıb.

87 kq çəkidə İslam Abbasov üçüncü yer uğrunda qarşılaşmada ukraynalı Jan Belenyukla qarşılaşıb. O, 1:2 hesabı ilə uduzub.

• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb