"Çox məyusuq, çünki biz bu yarışa komanda şəklində çox yaxşı hazırlaşmışdıq. Medal şanslarımız çox böyük idi. Hətta deyərdim ki, Ermənistanda himnimiz oxuna bilərdi".

Apasport.az-ın məlumatına görə, bunu Ermənistanın paytaxtı İrəvandan qayıdan qadın ağırlıqqaldıranımız Nazilə İsmayılova deyib.

O bildirib ki, ermənilər cüdoçu Elmar Qasımovdan sonra İrəvanda 2-ci dəfə Azərbaycan himninin səslənmək ehtimalına dözə bilməyiblər: "Mənə elə gəlir ki, Ermənistan xalqı 2-ci dəfə Azərbaycan himninin orda oxunmasına etiraz əlaməti olaraq belə bir təxribat törətdi. Bu da onların bizdən necə qorxduqlarını sübut edir. İnşallah, gələn yarışlarda biz daha yaxşı çıxış edəcəyik, gücümüzü sübut edəcəyik. 

Heç bir təhlükəsizliyimiz də təmin olunmadı. Axşam saatlarında hoteli tərk etmək istədikdə, dedilər ki, biz sizin təhlükəsizliyinizi təmin edə bilmərik, ona görə də buradan çıxmayın. Səhəri gün sağ olsunlar ki, rəhbər şəxslər vasitəsilə Vətənə sağ-salamat qayıtdıq". 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib