Türkiyənin Antalya şəhərində keçirilən idman gimnastikası üzrə Avropa çempionatında Böyük Britaniyanı təmsil edən Azərbaycan əsilli gimnast Cesika Qədirova 2-ci qızıl medalı qazanıb.

Apasport.az-ın xəbərinə görə, o, çoxnövçülükdə Avropa çempionu olub.

18 yaşlı idmançı 55.032 nəticə ilə bu nailiyyətə imza atıb. Macarıstanlı Jofia Kovaç (54.899) gümüş, italiyalı Aliçe DAmato (54.500) bürünc medala layiq görülüb.

Qeyd edək ki, daha əvvəl Cesika Qədirova Böyük Britaniya komandasının heyətində Avropa çempionu olmuşdu.

Xatırladaq ki, Azərbaycanı bu yarışda Rusiyadan olan Nikita Simonov təmsil etsə də, hələ medal qazana bilməyib. Gənclər və idman naziri Fərid Qayıbovun Avropa Gimnastikasının prezidenti kimi yerində izlədiyi turnir aprelin 16-dək davam edəcək.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib