"Sürətli atəş tapançasında mənim üçün daha bir Dünya Kuboku medalı. Gözəl şəhər Limada təcrübə mükəmməl idi".

Apasport.az-ın xəbərinə görə, bunu güllə atıcımız Ruslan Lunyov deyib.

O, 11-19 aprel tarixlərində Perunun paytaxtı Limada baş tutmuş güllə atıcılığı üzrə Dünya Kubokunda 25 metr məsafəyə atmada gümüş medal qazanmasından danışarkən səfər təəssüratlarına da toxunub və 10 metr məsafədəki uğursuzluğunun səbəbini açıqlayıb:

"Təəssüf ki, ilk günlər günvurma səbəbindən özümü pis hiss edirdim və 10 m nəticəm dəhşətli alındı. Amma yarışın son günləri gözəl keçdi və mən də ilk dəfə Sakit okeanda üzdüm. Lima, əyləncəli günlər üçün təşəkkürlər".

Qeyd edək ki, Ruslan Lunyov Paris Olimpiadasına hələ ki Azərbaycandan yeganə vəsiqə qazanmış idmançımızdır.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib