Azərbaycan taekvondoçusu Qaşım Maqomedov Çinin Usi şəhərində Olimpiya çəkiləri üzrə keçirilən “Böyük Dəbilqə” təsnifat mərhələsinin qalibi olub. 

Apasport.az xəbər verir ki, 58 kq çəki dərəcəsində mübarizə aparan yığmamızın üzvü finalda koreyalı Yanq Huiçanı 2:1 hesabı ilə məğlub edib. 

Qaşım bununla da “Böyük Dəbilqə”nin qızıl medalını qazanan ilk Azərbaycan taekvondoçusu olub. Təsnifat mərhələsini qızıl medalla başa vuran Maqomedov həm də “Böyük Dəbilqə”nin Çempionlar Seriyasının final mərhələsinə yüksəlib. Taekvondoçumuz bu yarışda da qalib olacağı halda, Paris-2024 Yay Olimpiya Oyunlarına lisenziya qazanacaq. 

Qeyd edək ki, Qaşım qızıl medala yiyələnməklə aktivinə 120 lisenziya xalı yazdırıb.

• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb