“Arkadi Naydiçin problemi ondadır ki, çox ziddiyyətli şəxsiyyətdir”.

Apasport.az saytının məlumatına görə, bunu Münhen Şahmat Akademiyasının direktoru Stefan Kinderman deyib.

Funksioner bir müddət Azərbaycan yığmasının şərəfini qoruyan şahmatçı Arkadi Naydiçin yenidən Almaniya millisinə qayıtmaq istəyinə münasibət bildirib. O, qrossmeysterin yenidən Almaniya bayrağı altında oynamasına bu ölkənin federasiyası tərəfindən hələ də razılıq verilməməsinin səbəbinə aydınlıq gətirib: “Naydiçin rəsmi şəxslərlə münasibətləri həmişə gərgin olub. Prinsipcə, onun komandanı gücləndirməsi çox yaxşı olardı. Amma digər məsələ onun digərləri ilə nə dərəcədə vəhdət təşkil edəcəyidir. Əgər yığmanın digər üzvləri onun qayıdışını istəsələr, niyə də olmasın ki?”.

Qeyd edək ki, Naydiçlə Azərbaycan Şahmat Federasiyası arasında olan müqaviləyə qarşılıqlı razılıq əsasında bu ilin əvvəlində xitam verilib.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”