Bu gün Quba Olimpiya Kompleksində Ümumdünya Boks Seriyasının (WSB) ¼ final mərhələsinin ilk görüşü keçirilib. Apasport.az saytının apa.az – a istinadən verdiyi xəbərə görə, komandamız Meksikanın “Mexico Guerreros” komandası ilə qarşılaşıb.

İlk yarış günündə çəkisi 49, 56, 64, 75, 91 kq olan boksçular rinqə çıxıb. İlk döyüşdə “Baku Fires”in üzvü Rəsul Saliyev (49 kq) Jozelito Velaskes Altimirano (“Mexico Guerreros”) ilə rinqə çıxıb və idmançımız məğlub olub. Yaraş Maqomedov (56 kq) Alfredo Çirno Sançes arasında keçirilən döyüşdə də sevinən tərəf meksikalı idmançı olub. Zaur Abdullayev (64 kq) Raul Kuriel Qarsiya arasında gərgin keçən görüşün qalibi rəqib komandanın idmançısı olub.

75 kq çəki dərəcəsində komandamızın üzvü Jaba Xositaşvili  Rodrigez Olivasi məğlub edib. Ən ağır çəkidə Leonid Çernobayev  isə Kastillyo Torres ilə qarşılaşıb. “Mexico Guerreros” komandasının üzvü qalib gəlib. Komandamız ümumi hesabda 1:4 hesabı ilə məğlub olub.

Mayın 7-də isə digər çəki dərəcələrində çıxış edən idmançılar güclərini sınayacaq. Qeyd edək ki, bu cütdə qələbə qazanan komanda yarımfinalda liqanın son qalibi “Cuba Domaderos”la görüşəcək və hər iki qarşılaşma rəqib meydanında olacaq. Digər ¼ finalda isə Rusiya boksçuları “İtalia Thunder”lə üz-üzə gələcək. Bu cütün qalibi isə “Astana Arlans”la üz-üzə gələcək.

• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək