“Fənər”in forvardı “Yuventus”un radarında
17.01.2026 - 16:53
“Fənərbaxça”nın forvardı Yusif En-Nesri karyerasını İtaliya A Seriyasında davam etdirə bilər.
Apasport.az xəbər verir ki, 28 yaşlı hücumçu ilə “Yuventus” yaxından maraqlanır.
Bu barədə insayder Yağız Sabuncuoğlu məlumat yayıb.
Onun sözlərinə görə, “qoca sinyora” futbolçu üçün “sarı-lacivərtlilər”ə mövsümün sonunadək satınalma şərti ilə icarə təklifi göndərib.
Xatırladaq ki, En-Nesri 2024-cü ilin yayında “Sevilya”dan 19,5 milyon avro qarşılığında “Fənərbaxça”ya transfer olunmuşdu.
Qeyd edək ki, Mərakeş millisinin üzvü bu mövsüm İstanbul təmsilçisinin heyətində keçirdiyi 25 rəsmi oyunda 8 qol vurub və 1 məhsuldar ötürmə ilə yadda qalıb.
Oxşar xəbərlər
Ana səhifə
Bütün xəbərlər