Super Liqa təmsilçilərindən "Fənərbaxça" futbolçusu Cenk Tosunla yollarını ayıracaq. 

Apasport.az xəbər verir ki, “Antalyaspor” matçının 80-ci dəqiqəsində oyuna daxil olan təcrübəli hücumçu bəlkə də sonuncu dəfə "sarı-lacivərdli" formanı geyinib.

"Fənərbaxça" Cenk Tosunun transferi üçün Yaponiyanın "Urava Red Diamonds" komandası ilə anlaşıb. 

Razılıq əldə edildikdən sonra futbolçunun Yaponiya komandasına transfer olunacağı bildirilib.

Transfer prosesinin bir neçə gün ərzində yekunlaşacağı gözlənilir.

Cenk Tosun bu mövsüm "Fənərbaxça"nın heyətində 17 matçda forma geyinib. 33 yaşlı futbolçu bu matçlarda 2 qol vurub, 1 məhsuldar ötürmə edib.

• İlkay Gündoğan: “Siti" ilə qarşılaşma mənim üçün qəribə olacaq"
• "Bavariya" ardıcıl 17-ci dəfə Çempionlar Liqasının 1/8 finalına yüksəlib
• Boksçularımız Rusiyadakı turnirdə 8 qızıl medal qazanıblar
• "Atletiko Madrid" Premyer Liqanın ulduz müdafiəçisi ilə danışıqlara başlayıb
• "Milan" Hernandezi 30 milyon avroya satacaq