"Fənərbaxça"nın sabiq futbolçusu Allan Saint-Maximin klubda yaşadığı qalmaqallı hadisələrlə bağlı ciddi ittihamlar səsləndirib.

Apasport.az xarici KİV-ə istinadla xəbər verir ki, hazırda Səudiyyə Ərəbistanının “Əl-Əhli” klubunda çıxış edən fransalı futbolçu, Türkiyə təmsilçisində olarkən dopinqə məruz qalmaq təhlükəsi ilə üzləşdiyini bildirib: 

“Fənərbaxça"da vəziyyət o qədər ciddiləşdi ki, mənə dopinq verməyə cəhd etdilər. Bu kimi hadisələr haqqında açıq danışmaq olmur, çünki dərhal sizi təhdid edirlər. Əgər danışsanız, "sənə bunu edərik" deyirlər". 

Futbolçunun bu açıqlamaları geniş rezonans doğurub və Türkiyə mətbuatında ciddi müzakirələrə səbəb olub.

"Fənərbaxça" rəhbərliyi isə hələlik iddialarla bağlı hər hansı rəsmi mövqe bildirməyib.

• Yığmamızın növbəti rəqibi bu milli komanda olacaq
• AFFA rəsmiləri Qazaxıstan Futbol Federasiyasının inzibati binasında olublar
• Branimir Subaşiç: "Fernandu Santuş işinin öhdəsindən gələ bilmir" - Müsahibə
• "Sabah"ın yeni baş məşqçisi: "Güclü rəqiblərlə oynamaq istəyirəm"
• Ölkəmizi Avropa çempionatında 39 güləşçi təmsil edəcək