Azərbaycan İngiltərə yığmasının tarixinə düşüb. Apasport.az saytının məlumatına görə, İngiltərə Futbol Assosiasiyası bu ölkənin 21 yaşlılardan ibarət milli komandasının tarixi ərzində qazandığı ən böyük hesablı qələbələrin siyahısını açıqlayıb.

Srağagün Milton-Keynes şəhərində keçirilən yoxlama oyununda Azərbaycanın 21 yaşlılardan ibarət komandasını 7:0 hesabı ilə məğlub edən britaniyalılar tarixi ərzində daha böyük fərqlə qalib gəlməmişdi. Yalnız bir dəfə ingilis gəncləri 7 top fərqi ilə qələbə qazanıb. 32 il əvvəl onlar Finlandiya yığmasını 8.1 üstələmişdi. Həmin qarşılaşmadakı 7 topluq fərqi təkrarlamaqla rekordu təkrarlayan Stüart Pirsin komandası daha bir dəfə 7 qol vursa da, qapısında 3 cavab top görüb.

İngiltərənin gənclərdən ibarət yığma komandasının tarixində ən böyük hesablı qələbələr

1977. İngiltərə - Finlandiya 8:1
2009. İngiltərə - Azərbaycan 7:0
1977. İngiltərə - Norveç 6:0
1991. Meksika - İngiltərə 0:6
1993. İngiltərə - San-Marino 6:0
2000. Türkiyə - İngiltərə 0:6

Ən çox qol vurulan oyun
1990. Fransa - İngiltərə 3:7

Qeyd edək ki, 0:7 hesablı məğlubiyyət yığmamız üçün də ən acınacaqlı məğlubiyyətdir. İndiyədək 21 yaşlılarımız ən pis halda – 2003-cü il oktyabrın 10-da İtaliyaya 0:6 hesabı ilə uduzmuşdu.

• “Feyenord” tribunalarında "istefa" səsləri: Van Persinin taleyi sual altındadır
• "Çelsi" və "Arsenal" "Yuventus"un ulduzu ilə danışıqlar aparır
• “Samsunspor” “Maynts”a uduzdu, KL-də günün nəticələri - YENİLƏNİB
• İtaliya Superkuboku: “Napoli” finalda
• Türkiyə Kuboku: “Qalatasaray”dan minimalhesablı qələbə