Milli komandaların FİFA reytinqindəki hazırkı mövqeyi bəlli olub.

Apasport.az saytının məlumatına görə, Azərbaycan yığmasının da yeri müəyyənləşib.

Millimiz canlı FİFA reytinqində 127-ci yerdə qərarlaşıb. Maltaya 0:1 hesabı ilə uduzan komandamız 6 pillə geriləyib.

Dünyanın 174-cü yığması qarşısında aciz qalan Canni de Byazinin yetirmələrinin aktivindəki xallar 1132,3-ə düşüb. Son FİFA reytinqində 1139 xalla planetin 121-cisi olan yığma Maltada 6,7 xal itirib.

Nəticədə 6 komanda millimizi keçib. Bunlar Farer adaları, Qambiya, Anqola, Zimbabve, Toqo və Qvatemala yığmalarıdır.

Qeyd edək ki, FİFA reytinqi martın 31-də açıqlanacaq.
 

• "Real"da ciddi itki: VALVERDENİN DURUMU BƏLLİ OLDU
• Tuxeldən sürpriz qərar – 16 yaşlı “Arsenal”lı İngiltərə millisinə qoşula bilər
• “Qalatasaray”a Osimhen müjdəsi – Qayıdacağı tarix bəlli oldu
• “Mançester Yunayted” Premyer Liqadan müdafiəçi seçdi
• “Mançester Yunayted” Premyer Liqada sonuncudur – Şok statistika