Asiya Futbol Konfederasiyası (AFC) tərəfindən bu il 18-ci dəfə təşkil olunan turnirin açılış matçında ev sahibi Qətər Livanı 3:0 hesabı ilə məğlub edib.

Apasport.az xəbər verir ki, "Lusail stadionu"nda keçirilən matçda Qətərin qollarını Əkrəm Afif (2) və Almoez Əli vurub.

Xatırladaq ki, 2023-cü ilin iyun-iyul aylarında keçirilməsi planlaşdırılan Asiya Kuboku Çinin Covid-19 epidemiyasına görə ev sahibliyindən çıxmasından sonra Qətərə köçürülüb və 2024-cü ilə təxirə salınıb.

Turnirin qrup oyunları 12-25 yanvarda, son 16 tur 28-31 yanvarda, 1/4 final 2-3 fevralda, yarımfinal oyunları isə 6-7 fevralda keçiriləcək.

2023-cü il Asiya Kubokunun final oyunu fevralın 10-da dünya çempionatının da finalının oynanıldığı "Lusail stadionu"nda keçiriləcək.

Qeyd edək ki, Qətər Asiya Kubokundan əldə etdiyi bilet gəlirlərini İsrailin hücumu altında olan fələstinlilərə dəstək üçün bağışlayacaq.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU