AVRO-2020-nin 1/8 final mərhələsindən sonra bombardirlər cədvəli açıqlanıb.

Apasport.az saytının məlumatına görə, siyahıya Portuqaliya millisinin kapitanı Kriştiano Ronaldo başçılıq edir.

Artıq çempionatla vidalaşan hücumçunun aktivində 5 top var. Ronaldonun üç izləyicisinin hərəsi 4 dəfə fərqlənib.

Onlardan yalnız çexiyalı Patrik Şik qol sayını artıra bilər. Emil Forsberqlə (İsveç) Kərim Benzema (Fransa) üçün turnir başa çatıb.

Ronaldoya təkcə Şik deyil, üç qol vuran oyunçular da şərik çıxa, hətta keçə bilər. Belçikalı Romelu Lukaku, isveçrəli Haris Seferoviç və ingiltərəli Rahim Sterlinqə bunun üçün iki top lazımdır.

Düzdür, hələ maksimum 3 oyun keçirə biləcək digər futbolçular da “Qızıl buts” uğrunda mübarizəyə qoşula bilər. Lakin bunun üçün həmin oyunçular finişdə yüksək məhsuldarlıq göstərməlidir.

AVRO-2020: 3 və daha çox qol vuranlar
Kriştiano Ronaldo (Portuqaliya) – 5
Patrik Şik (Çexiya) - 4
Emil Forsberq (İsveç) – 4
Kərim Benzema (Fransa) – 4
Romelu Lukaku (Belçika) – 3
Haris Seferoviç (İsveçrə) – 3
Rahim Sterlinq (İngiltərə) – 3
Jorjinyo Veynaldum (Niderland) – 3
Robert Levandovski (Polşa) – 3

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”