Xorvatiya – İspaniya (3:5) oyunu AVRO-2020-nin ən məhsuldar matçı kimi tarixə düşüb.

Apasport.az saytının məlumatına görə, builki qitə birinciliyində ilk dəfə bir matçda qapılara 8 top vurulub.

1/8 final mərhələsinin bu dueli eyni zamanda Avropa çempionatlarının ən çox qol vurulan ikinci oyunu olub. Yalnız bir dəfə - 1960-cı ildəki Fransa – Yuqoslaviya (4:5) görüşündə 8-dən çox qol qeydə alınıb.

İspanlar həmçinin Avropa çempionatları tarixində bir görüşdə beş fərqli oyunçusunun qol vurduğu ilk komanda olub. “Buğalar”ın heyətində Pablo Sarabia, Sezar Azpilikueta, Ferran Torres, Alvaro Morata və Mikel Oyarzabal fərqlənib.

Yarımmüdafiəçi Pedri isə qitə birinciliklərində ən uzun məsafədən avtoqol müəllifi olmağı bacarıb. Onun 45 metrlik məsafədən ötürməsini qapıçı Unai Simon ram edə bilməyib və top tora daxil olub.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”