AVRO-2020-nin yarımfinalına yüksələn Danimarka millisi 29 ildən sonra belə uğura imza atıb.

Apasport.az saytının məlumatına görə, şimallılar 1992-ci ildən sonra belə nəticəyə həsrət idi.

Danimarkalılar 29 il öncə qitə çempionatına son anda Yuqoslaviyanın əvəzinə qatılıb və yekunda sürpriz çempionluq əldə edib.

Ondan sonra 2004-cü ildə 1/4 finalda, 1996-cı, 2000-ci və 2012-ci illərdə qrupda qalan komanda 2008-ci və 2016-cı illərdə seçmə mərhələdə dayanıb.

Maraqlıdır ki, 29 il əvvəlki kimi yenə danimarkalılar ekstremal vəziyyətlə qarşılaşıb. İlk oyunda aparıcı futbolçusu Kristian Eriksenin ürəktutması üzündən huşunu itirməsi və ardıcıl iki məğlubiyyət yığmanı sanki daha da motivasiyalı edib. Danimarkalılar startda iki dəfə uduzandan sonra yarımfinala yüksələn ilk komanda kimi tarixə düşüb.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”