Aprelin 13-də stolüstü tennis üzrə növbəti Azərbaycan birinciliyinə start veriləcək. 

Azərbaycan Stolüstü Tennis Federasiyasından apasport.az saytına verilən məlumata görə, yeniyetmə və gənclər arasında təşkil olunacaq yarışlar şəxsi, komanda, qoşa və qarışıq-qoşa proqramında keçiriləcək. 

“Şüa” İdman-Sağlamlıq Kompleksində 4 gün davam edəcək ölkə birinciliyinə aprelin 16-da yekun vurulacaq. Yarışın keçirilməsində əsas məqsəd, stolüstü tennisin təbliği, perspektivli idmançıların üzə çıxarılması, bu idman növünün inkişafına töhfə verməkdir. 

Qeyd edək ki, fərqlənən idmançılara Azərbaycan Stolüstü Tennis Federasiyasının mükafatları təqdim olunacaq. Fəxri kürsüyə yüksələn tennisçilər həmçinin, seçmə komandaların heyətinə cəlb olunaraq, beynəlxalq yarışlarda ölkəmizi təmsil etmək imkanı qazanacaqlar.
 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib