Tokio-2020 Yay Olimpiya Oyunlarının açılış mərasimində tətbiq olunacaq məhdudiyyətin detalları müəyyənləşib.

Apasport.az saytının məlumatına görə, idmançıların paradında yığmalar tam heyətlə iştirak edə bilməyəcək.

Koronavirus pandemiyasını nəzərə alan Beynəlxalq Olimpiya Komitəsi məhdudiyyətlə bağlı qərar verməyə məcbur olub. Düzdür, ümumilikdə paradın ləğvi ilə bağlı ehtimallar özünü doğrultmayıb.

Əvəzində nümayəndə heyətləri burada məhdud sayda təmsil olunacaq. Bu, idmançılara aid deyil. Açılış zamanı stadionda olan hər bir atlet yığması ilə bağlı parada qatıla biləcək. Lakin məşqçi heyətinə məhdudiyyət tətbiq olunacaq. Hər millinin yalnız 6 məşqçisi paradda iştirak edə biləcək.

Qeyd edək ki, Olimpiya Oyunlarının tamaşaçısız keçiriləcək açılış mərasimi iyulun 23-də keçiriləcək.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”