“İspaniya və Almaniya öz formasına düşdü. Onların yaxşı oynamayacaqlarını düşünmək axmaqlıq olar. İngiltərədən də ehtiyat etməlisiniz, heyətində son Çempionlar Liqasının altı finalçısı var”.

Apasport.az saytının məlumatına görə, bunu “Real”ın yeni baş məşqçisi Karlo Ançelotti AVRO-2020 ilə bağlı fikir bildirərkən deyib.

Bir neçə komandanı fərqləndirən təcrübəli mütəxəssis finalla bağlı proqnozunu da verib: “İtaliya üçün problem olacaq. 1/4 finalda Belçika və ya Portuqaliya ilə, yarımfinalda Fransa ilə oynamalı olacaq. Digər səbət daha asan olacaq. Niderlandın orada yarımfinala çıxacağına əminəm. Daha əvvəl dediyim kimi, finalda İtaliya ilə İngiltərəni görürəm. Hələlik nəticələr də proqnozumu dəstəkləyir. Ümid edirəm hər şey belə yekunlaşacaq”.

Qeyd edək ki, AVRO-2020-də 1/8 final mərhələsi bu gün start götürüb və hələlik növbəti mərhələyə vəsiqə qazanan yeganə komanda Danimarkadır.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”