Bolqarıstanın Plovdiv şəhərində 23 yaşadək güləşçilərin Avropa çempionatı davam edir.

Apasport.az saytının məlumatına görə, bu gün daha 2 idmançımız fəxri kürsüdə yer alıb. 

Gültəkin Şirinova (53 kq) bürünc medal uğrunda rumıniyalı Beatriçe Ferentlə güləşib və rəqibinə tam üstünlüklə (11:1) qalib gələrək Avropa çempionatının bürünc medalına sahib çıxıb.

Jalə Əliyeva (62 kq) isə fəxri kürsünün ən yüksək pilləsinə qalxıb. O, finalda serbiyalı Anna Fabiananı 6:2 hesabı ilə məğlub edərək, Avropa çempionu olub. 

Beləliklə, qadın güləşi üzrə millimiz AÇ-ni 1 qızıl, 1 gümüş və 2 bürünc medalla başa vurub. Bir gün öncə Elnurə Məmmədova (55 kq) gümüş, Nigar Mirzəzadə (68 kq) isə bürünc medal qazanıb.
 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib