AVRO-2020-nin Bakıda keçiriləcək 1/4 final oyununa həsr edilən açıq hava teatrı təşkil olunacaq. 

Apasport.az saytının məlumatına görə, tamaşa iyulun 1-də və 2-də Nizami Gəncəvi adına Milli Azərbaycan Ədəbiyyatı Muzeyinin qarşısında nümayiş etdiriləcək.

Tamaşanın nümayişində məqsəd AVRO-2020 həyəcanını  fərqli aspektdən göstərmək və hər kəsdə unudulmaz, xoş təəssürat yaratmaqdır. Tamaşada danimarkalı yazıçı, “böyük nağılbaz” Hans Hristian Andersenin, xüsusilə, azyaşlı oxucular tərəfindən çox sevilən “Düyməcik” və “Qar kraliçasi” əsərlərindən hissələr nümayiş olunacaq. 

Personajları səhnədə Azərbaycan Dövlət Akademik Rus Dram Teatrının aktyorları canlandıracaq. İyulun 1-də və 2-də saat 21:00-da başlayacaq tədbir saat 23:00-a qədər davam edəcək. Tamaşaya giriş ödənişsiz olacaq.

Qeyd edək ki, iyulun 3-də baş tutacaq 1/4 final oyununda Çexiya və Danimarka üz-üzə gələcək.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”