AVRO-2020-nin 1/8 final mərhələsi davam edir.

Apasport.az saytının məlumatına görə, mərhələnin son gününə Londonda start verilib.

İngiltərə yığması doğma “Uembli”də Almaniyanı qəbul edib. Qarşılıqlı hücumlarla keçən görüşdə böyük britaniyalılar cüzi ərazi üstünlüyünə malik olub.

Qarşılaşmanın taleyi matçın sonlarında həll olunub. İlk qol 75-ci dəqiqədə vurulub. Rahim Sterlinqin qolu futbolun yaradıcılarını hesabda önə çıxarıb. Buraxılan qoldan sonra Bundestim məğlubiyyətdən qaçmağa çalışsa da, hesabda tarazlıq yarada bilməyib. Görüşün sonlarında Harri Keyn ikinci qolu vuraraq fərqi artırıb. Bu, İngiltərəni 1/4 finala daşıyıb. Almaniya isə AVRO-2020 ilə vidalaşıb.

Qeyd edək ki, İngiltərənin 1/4 finaldakı rəqibi bu gün keçiriləcək İsveç – Ukrayna matçında bəlli olacaq. Bu oyun Bakı vaxtı ilə saat 23:00-da başlayacaq.

AVRO-2020
1/8 final
29 iyun
20:00. İngiltərə - Almaniya - 2:0
Qollar: Rahim Sterlinq, 75, Harri Keyn, 86
Baş hakim: Danni Makkelie (Niderland)
London. “Uembli” stadionu
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”