AVRO-2020-nin 1/4 final mərhələsi öncəsi turnirin favoritləri açıqlanıb.

Apasport.az saytının məlumatına görə, “Stats Perform Euros Prediction” şirkəti mübarizəni davam etdirən yığmalar barədə araşdırma aparıb.

Araşdırma zamanı komandaların AVRO-2020-dəki performansına, hər kateqoriya üzrə göstəricilərinə, rəqiblərin gücünə və finala gedən yola xüsusi diqqət yetirilib. Maraqlıdır ki, Avropa çempionluğuna ən real namizəd İspaniya seçilib. Luis Enrikenin yetirmələrinin titulu qazanmaq ehtimalı 24,6 faizlə ölçülüb. İkinci sırada Belçika qərarlaşıbsa, üçüncü favorit İngiltərə yığmasıdır.

1/4 final mərhələsində iyulun 3-də Bakıda Danimarka ilə qarşılaşacaq Çexiyaya isə inam hamıdan azdır.

İştirakçı komandaların çempionluq şansı bu cür göstərilib:
1. İspaniya – 24,6 faiz
2. Belçika – 23,8 faiz
3. İngiltərə - 18,3 faiz
4. İtaliya – 15,4 faiz
5. Danimarka – 7 faiz
6. Ukrayna – 4,1 faiz
7. İsveçrə - 4 faiz
8. Çexiya – 2,8 faiz

Qeyd edək ki, AVRO-2020-nin 1/4 final oyunları iyulun 2-3-də keçiriləcək.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”