Portuqaliyanın Koimbra şəhərində gənc cüdoçular arasında keçirilən Avropa kuboku yarışına yekun vurulub.

Apasport.az saytının məlumatına görə, turnirin son günü Azərbaycan cüdoçuları 2 bürünc medal qazanıblar.

Elcan Hacıyev (81 kq) və Ruslan Nəsirli (100 kq) Portuqaliya yarışı 3-cü yerdə başa vurublar.

Beləliklə, milli komandamız Avropa kubokunda 1 qızıl və 3 bürünc medal qazanıb. Yarışın ilk günündə Turan Bayramov (60 kq) qızıl və Nəriman Mirzəyev (66 kq) bürünc medala layiq görülüb.

Qeyd edək ki, Avropa kubokunda 24 ölkədən 306 cüdoçu yarışıb.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”