AVRO-2020-də yarımfinal mərhələsi başa çatıb.

Apasport.az saytının məlumatına görə, mərhələnin ikinci oyun günündə bir matç baş tutub.

Londondakı “Uembli” stadionunda İngiltərə millisi Danimarkanı qəbul edib. Futbolun yaradıcıları matçın favoriti olsalar da, hesabı çempionatın sürpriz komandası açıb. 

30-cu dəqiqədə Mikkel Damsqaard fərqlənib. Bu, çempionatın ilk beş oyununda qapısını toxunulmaz saxlayan İngiltərə millisinin buraxdığı ilk qol olub.

Lakin danimarkalıların sevinci uzun sürməyib. Cəmi 9 dəqiqə sonra Simon Kyer topu öz qapısına vurub.

İkinci hissəsi qolsuz bitən matçın taleyi əlavə vaxtda həll olunub. Harri Keyn penalti zərbəsini qaçırsa da, qapıçının qaytardığı topu çərçivəyə göndərib. Bu qol İngiltərəni tarixində ilk dəfə Avropa çempionatının finalına daşıyıb.

Qeyd edək ki, AVRO-2020-nin finalı iyulun 11-də baş tutacaq.

AVRO-2020
Yarımfinal
7 iyul
23:00. İngiltərə - Danimarka - 2:1
Qollar: Simon Kyer, 39 (avtoqol), Harri Keyn, 104 - Mikkel Damsqaard, 30
Baş hakim: Danni Makkeli (Niderland)
London. “Uembli” stadionu
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”