Fransa millisinin yarımmüdafiəçisi Adrien Rabyonun anası Veronika Rabyo diqqət mərkəzinə düşüb.

Apasport.az saytının məlumatına görə, o, AVRO-2020-nin 1/8 final mərhələsində İsveçrə ilə oyun zamanı millinin digər üzvləri Pol Poqba və Kilian Mbappenin yaxınları ilə mübahisə yaşayıb.

O, Buxarestdəki “Nasional” stadionunda baş tutan görüş zamanı isveçrəlilərin 3-cü qolundan əvvəl topu itirən Poqbanı tribunadan sərt şəkildə tənqid edib. Həmçinin Mbappenin atasına oğlunun həddindən artıq təkəbbürlü olduğu üçün hərəkət etmədiyini bildirib. Qarşılaşma bitdikdən sonra da tərəflər təxminən 20 dəqiqə mübahisə edib, hətta dalaşıblar. Stadionun təhlükəsizlik əməkdaşları onları çətinliklə sakitləşdirə bilib.

Qeyd edək ki, 3:3 hesabı ilə başa çatan oyunun penaltilər seriyasında uduzan Fransa yığması AVRO-2020 ilə vidalaşıb.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”