Gürcüstanın paytaxtı Tbilisidə yeniyetmə boksçular arasında Avropa birinciliyi davam edir. 

Apasport.az saytının məlumatına görə, yarışın üçüncü günündə Azərbaycan millisinin 5 üzvü rinqə çıxıb.

Kənan Babayev (48 kq) Yari Bonaçina (İtaliya) ilə qarşılaşıb. Boksçumuz 1/8 final mərhələsi çərçivəsində baş tutan görüşü 5:0 (30:27, 29:28, 30:27, 30:27, 30:27) hesabı ilə aktivinə yazıb. O, növbəti döyüşündə rusiyalı Malik Saqaypovu sınağa çəkəcək. 

Məhəmmədəli Qasımzadənin (54 kq) də debütü uğurlu alınıb. O, 1/8 finalda ukraynalı Arseni Oniyenkonu 5:0 (29:28, 29:28, 30:27, 30:27, 30:27) hesabı ilə məğlub edib. Təmsilçimiz ikinci qarşılaşmasında Fyodor Kamaninlə (Estoniya) üz-üzə gələcək. 

1/4 final görüşləri iyulun 8-də təşkil olunacaq. 

Babayev və Qasımzadədən fərqli, Tofiq Quliyev (46 kq), Ənəs Ağayev (50 kq) və Mahir Süleymanov (52 kq) uduzaraq, yarışla vidalaşıblar. 

Qeyd edək ki, 30 ölkədən 339 (224 oğlan, 115 qız) boksçunun mübarizə aparacağı yarışda final görüşləri iyulun 11-də baş tutacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”