Olimpiya andının mətni dəyişdirilib.

Apasport.az saytının məlumatına görə, Beynəlxalq Olimpiya Komitəsi (BOK) Tokio-2020 Yay Olimpiya Oyunları ərəfəsində dəyişiklikləri zəruri sayıb.

Açılış mərasimində idmançılar, hakimlər və məşqçilərin andiçməsi olacaq. 2018-ci ilədək bu üç kateqoriyanın hər biri ayrı-ayrılıqda and içirdi. Pxençxan-2018-də andın mətni birləşdirilib.

Tokio-2020-dəki andiçmədə 3 deyil, 6 nəfər iştirak edəcək. İki idmançı, iki hakim və iki məşqçidən hər bir kateqoriya üzrə kişi və qadın olacaq. Bu? gender bərabərliyi üçün atılan addımdır.

Andın mətninə bərabərlik və diskriminasiya ilə mübarizə də əlavə olunub: “Biz söz veririk ki, bu Olimpiya Oyunlarında iştirak zamanı ədalətli oyun qaydalarına, bərabərliyə hörmət və riayət edəcəyik. Biz birlikdə həmrəyik və öhdəlik götürürük ki, idmanla dopinq, fırıldaq, diskriminasiya olmadan məşğul olacağıq. Biz bunu komandalarımızın şərəfi, olimpizmin fundamental prinsiplərə hörmət əlaməti olaraq edirik ki, dünya idmanın köməyi ilə daha yaxşı olsun”.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”