İtaliya mətbuatı AVRO-2020-nin yarımfinal mərhələsində keçirilən İngiltərə - Danimarka (2:1) oyunu ilə bağlı şok iddia ortaya atıb.

Apasport.az saytı xəbər verir ki, “La Gazzetta dello Sport”da dərc edilən məqalədə matçın əlavə olunmuş dəqiqələrində Danimarkanın qapısına təyin edilən penalti qərarının qəsdən verildiyi yazılıb.

İngiltərə millisinin üzvü Rahim Sterlinqə qarşı müdaxilədən sonra göstərilən penalti ölkənin baş naziri Boris Consonla əlaqələndirilib. Həmkarlarımızın iddiasına görə, Conson Avropa Superliqası layihəsinə qarşı çıxdığı və fəaliyyətini erkən dayandırmasında böyük rol oynadığı üçün UEFA onu bu penalti ilə mükafatlandırıb.

Qeyd edək ki, AVRO-2020-nin İtaliya ilə İngiltərə arasında keçiriləcək final oyunu iyulun 11-də Londondakı “Uembli” stadionunda baş tutacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”