Azərbaycan boksçusu Məhəmmədrəsul Məcidov peşəkar rinqdə növbəti döyüşünü keçirib.

Apasport.az saytının məlumatına görə, ağır çəki dərəcəsində mübarizə aparan təmsilçimiz ABŞ-da təşkil olunan döyüş gecəsində Puerto Riko idmançısı Sahret Delqado ilə üz-üzə gəlib.

Qarşılaşma Hollivuddakı Seminol Hard Rok Hotel və Kazinoda baş tutub. Məcidov 6 raund davam etməli olan döyüşü vaxtından əvvəl nokautla yekunlaşdırıb. 3-cü raundda rəqib döyüşü davam etdirə bilməyib. Bununla da həvəskarlar arasında üçqat dünya çempionu olan Məcidov peşəkar rinqdə 3-cü döyüşündə 3-cü qələbəsini qazanıb.

Qeyd edək ki, Məhəmmədrəsul bunadək Ed Funten və Tom Littlə qalib gəlib.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”