Boks üzrə gənclərdən ibarət Azərbaycan milli komandası təlim-məşq toplanışına başlayıb. 

Boks Federasiyasından apasport.az saytına verilən məlumata görə, yığmamız bu gün yeni baş məşqçi Elbrus Rzayevin rəhbərliyi altında Bakı Boks Mərkəzində hazırlığa start verib.

Təcrübəli mütəxəssis məşqlərə Azərbaycan birinciliyində fərqlənən 50-yədək boksçu çağırıb. Məşqçilər korpusu müəyyən müddətdən sonra onlar arasından seçim edərək yeni komanda formalaşdıracaq. 

Hazırlıqlar hələlik gündə bir dəfə keçirilir. Növbəti həftələrdən məşqlərin sayı artırılacaq. 

Baş məşqçi Elbrus Rzayevin sözlərinə görə, sınaq döyüşlərindən sonra hər bir çəki dərəcəsində minimum 2 ən güclü boksçu ilə hazırlıq keçməyi planlaşdırır. 

Qeyd edək ki, təlim-məşq toplanışı aprel 10-22-də Bolqarıstanın paytaxtı Sofiyada keçiriləcək Avropa birinciliyinə hazırlıq xarakteri daşıyır. 
 

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib